Honganvik er eit attraktivt hytteområdefor dei som ynskjer fritidsbustad rett ved fjorden, med kort veg til både høgfjellet og Sauda sentrum. Frå Honganvik er det utsikt til fjord og fjell, og ikkje minst til fossefallet Brudesløret, som buldrar ned fjellsida.
For den som vil stå eller gå på ski, er Sauda skisenter og andre skiområde berre ein kort køyretur unna. Nærliggande turområde ved Saudafjorden er dessutan tilgjengelege både vinter- og sommartid. For dei som likar å sykle, finst treningsmoglegheiter både for aktive syklistar og mosjonistar på hovudvegen mellom Ropeid og Honganvik.
Hustveitsåta, den høgaste nuten i området med sine 1187 meter over havet, kan erobrast både sommar og vinter.
Nær Honganvik ligg dessutan den historiske Jonegarden på Hustveit, som er eit spanande kultur-, og naturområde. Svandalsfossen, som er del av Nasjonal turistveg Ryfylke, må opplevast.
.jpg)
.JPG)
